Ցանկանու՞մ եք Բաժանորդագրվել
EN

«Մեր երազանքի ճանապարհը» ֆիլմի հերոսներ կարող են լինել մեզնից յուրաքանչյուրը

Ինչպես ֆիլմում, այնպես էլ իրական կյանքում մեր կողքին ապրող մարդիկ, հավատարիմ մնալով իրենց երազանքին, անցնում են մի ճանապարհով , որով դժվար է առաջ ընթանալը։ Թավշյա հեղափոխությունից անմիջապես հետո՝ 2018 թվականի ամռանը, «իրենց երազանքի ճանապարհ»-ը ընտրելով , հավատը վերականգնած ու նոր եռանդ ստացած, մի խումբ մարզաբնակ երիտասարդներ վճռեցին`իրենք են համայնքի խնդիրներ լուծողն ու ապագան կերտողը: Հենց այսպես էլ ստեղծվեց «ՄԻՏՔ» հասարակական կազմակերպությունը, որն իր կարճ գործունեության ընթացքում հասցրել և շարունակում է իրականացնել մի շարք ծրագրեր՝ նպաստելով հասարակական կյանքում երիտասարդության ակտիվացմանը: Այժմ, երբ «երազանքի ճանապարհ»-ի կեսն հաղթահարված է , կազմակերպության նախագահ Լևոն Չուկակլյանի

և կրթական ծրագրերի ղեկավար Ելենա Հարությունյանի հետ վերհիշեցինք «ՄԻՏՔ» հասարակական կազմակերպության ստեղծման պատմությունը։ «ՄԻՏՔ»-ը հապավում է ՝ Մասնակից, Իրավապահ, Տեղեկացված Քաղաքացի, սակայն կազմակերպության անվանման բացատրությունն այսօր հայտնի է քչերին ։ Հարցին , թե հասկացություններից յուրաքանչյուրն ինչպես է կապվում կազմակերպության գործունեության հետ , Լևոն Չուկակլյանը առանձնացնում է , երբ նկատեցին, որ անվան տառերը հանդիսանում են սկզբնատառեր իրենց համար հիմնաքարային հանդիսացող գաղափարների համար՝ ընտրությունը ակնհայտ դարձավ ։ - «Մասնակից բառը ենթադրում է, որ յուրաքանչյուր քաղաքացի պարտավոր է մասնակից լինել իր համայնքային կյանքին: Երկրորդ հասկացությունը խորհրդանշում է մեր համոզմունքը առ այն, որ քաղաքացին ինքը պետք է լինի իր իրավունքների պաշտպանը: Տեղեկացված լինելը մեր օրերում համարում ենք կարևորագույն հանգամանք, քանզի առանց դրա անհնար է լինել մասնակից կամ իրավապահ: Քաղաքացի տերմինը ընտրված է առանձնացնելու կոչումը, որը չի սահմանափակվում անձնագրային նշումներով, այլ պարտավորեցնում է մարդուն պայքարել հանուն իր բնակավայրի բարօրության» ,- նշեց Լևոնը։

«Սոցիալական արձագանքները բավականին դրական և ոգևորիչ են լինում»,- կրթական ծրագրերի ղեկավար Ելենա Հարությունյան Կրթական ծրագրերի ղեկավար Ելենա Հարությունյանը, խոսելով կազմակերպության ծավալած գործունեությունից , ընդգծում է , որ համագործակցում են Արմավիր, էջմիածին, Աբովյան, Չարենցավան, Սպիտակ, Վեդի և Արտաշատ համայնքների հետ ։ Ունենալով մեծ հարթակ՝ կարևոր է անրադառնալ նաև համայնքներում իրականացվող աշխատանքների ընթացքում ձևավորված հասարակական արձագանքին ։ Խոսելով այս մասին Ելենան առանձնացնում է ․

- Սոցիալական արձագանքները բավականին դրական և ոգևորիչ են, քանզի, եթե նախկինում նշված բնակավայրերում տիրում էր պասիվություն, հիմա արդեն մեր ծրագրերի շնորհիվ, ունենք հասարակական կյանքի ակտիվության տեսանելի ցուցանիշների բարելավում։

«ՄԻՏՔ» հասարակական կազմակերպությունը կրթության ոլորտում


Կազմակերպությունն իր գործունեության ընթացքում հասցրել է իրականացնել մի շարք ծրագրեր, որոնց մասին խոսելիս Լևոնի դեմքին հայնտվում է ժպիտ , որն էլ փաստում է ՝ ծրագրերի գրանցած արդյունքերը նախևառաջ սեփական հաղթանակներն են ։ Պետք է նշել, որ նախկինում իրականացվել է «Մասնակից քաղաքացի» դասընթացների շարքը , որն ըստ Լևոնի, նպաստել է երիտասարդների դերի արժևորմանը համայնքի զարգացման և հանրային քաղաքականության իրականացման գործընթացներում: Հաջողություն է գրանցել նաև «Տեղական ժողովրդավարություն ակտիվիզմի միջոցով» ծրագիրը, որի ընթացքում բանախոսել են պետական ինստիտուտներից , քաղաքացիական հասարակությունից ներկայացուցիչներ ։ Ծրագրի շրջանակներում քննարկվել են այնպիսի թեմաներ , ինչպիսիք են ծրագրերի կառավարում (project management), ,PR, ֆոնդհայթհայթում, ՏԻՄ-եր: Ներկայումս իրականացվում է «Քաղաքացիական Միտք» դպրոցը, որը ներառում է դասընթացներ քաղաքագիտությունից, միջազգային հարաբերություններից: Հարցին , թե ինչպիսի կրթական նախաձեռնություններ են սպասվում ապագայում , կազմակերպությունում ոլորտի պատասխանատու Ելենան պատասխանում է ․ 

- Մեր կողմից իրականացվող կրթական ծրագրերը միտված են քաղաքացիական գիտակցության և ներգրավվածության աստիճանի բարձրացմանը: Կարծում եմ, որ հետագայում իրականացվելիք ծրագրերը ուղիղ համեմատության մեջ կլինեն տարբեր բնակավայրերում առկա խնդրների հետ ։ Ինչ վերաբերում է ծրագրերում ներգրավված երիտասարդ մասնակիցներին, ապա կազմակերպությունը ունի հստակ կողմնորոշիչներ ՝ ինչպես ընտրել նրանց։ Ներկայումս թիրախային խումբը 16-30 տարեկան երիտասարդներն են ։

- Նրանք տեղեկանում են կազմակերպված միջոցառումներից հիմնականում համացանցի, կամ անձնական շփումների միջոցով: Հարկ է նշել նաև մեր կողմից դեպի դպրոցներ և քոլեջներ իրականացված այցերի մասին, որոնց արդյունքում ձեռք ենք բերվել բավականին շատ համակիրներ ,- Ելենա Հարությունյան։ Ներկայումս կազմակերպությունը նախաձեռնել է «Երիտասարդների ձայնը» հարթակը։ Հարցին , թե ինչը հիմք հանդիսացավ հարթակի ստեղծմանը , Լևոնը պատճառաբանում է , որ հանրապետական մասշտաբի խնդիրներ լուծելու համար անհրաժեշտություն է երիտասարդական ներուժի օգտագործումը , որին միտված է լինելու ծրագիրը ։ Սակայն այժմ փակագծերը բացելու ճիշտ ժամանակը չէ ։ Ինչպես նշում է Լևոնը , հարթակը համախմբելու է Արմավիր, Արարատ, Կոտայք, Լոռի մարզերի և մայրաքաղաք Երևանի երիտասարդական ներուժը։ Հավատարիմ մնալով կազմակերպության գործունեությանը՝ նա վստահեցնում է՝ ծրագիրը, որը մեծ հնչեղություն է ստացել համացանցում , կծառայի իր հիմնական նպատակին ՝ երիտասարդության ձայնի հավուր պատշաճի ներկայացմանը ։ Ներկայումս «ՄԻՏՔ» հասարակական կազմակերպությունը առանձնացրել է հիմնական սկզբունքներ, որոնցով էլ առաջնորդվում է։ Լևոնն , ով կարևորում է երիտասարդների ներգրավվածությունը հասարակական կյանքի բարելավման գործընթացում , առանձնացնում է կազմակերպության հիմնական գործելաոճը՝ վերականգնել երիտասարդության ձայնի լսելիությունը և դրա միջոցով դրական փոփոխությունների հասնել: Դեռ հետագա գործունեության մասին կազմակերպությունում չեն շտապում մտածել ։ Ներկայիս առաջադրված ծրագրերի հաջող հաղթահարումից հետո կներկայանան նոր գաղափարներով և ներուժով ՝ վստահեցնելու, որ պետք է հավատալ սեփական ներուժին և ձայնին ։


Վերջին հրապարակումները

Ի՞նչ վիճակում է Էջմիածնի կենտրոնական շրջանի այգին

Էջմիածում իրականացված մշտադիտարկման և հանրային քնն...

  • Youth Voice
  • Հուլիս 02, 2020
Քաղաքացիական մասնակցություն կամ երբ «միջամտում» են երիտասարդները

Ի՞նչ է քաղաքացիական մասնակցությունը, ինչպե՞ս են եր...

  • Քնարիկ Մխիթարյան
  • Հունիս 30, 2020
Հեղինակ : Youth Voice

Youth Voice վեբ կայքի հեղինակ

Ձեզ կարող է հետաքրքրել